МЕМЛЕКЕТТІК ҚЫЗМЕТКЕР — ЕЛ АЙНАСЫ

Қазақстан Республикасының 2050 жылға дейiнгi даму стратегиясында ұзақ мерзiмдi басымдықтардың бiрi – кәсiби мемлекеттi құру екені мәлім. Бiздiң мемлекетiмiздiң алдында тұрған стратегиялық мiндеттердiң сапалы iске асырылуы қай саланың болмасын дамуы мемлекеттiк қызметтің кәсiптiлiгiне негiзделедi. Сондықтан, қазіргі таңда елімізде мемлекеттік қызмет аппаратының кәсіби біліктілігіне, мемлекеттік қызметшілердің моральдық — әдептік келбетіне зор мән берілуде.

Мемлекеттік қызметшінің моральдық бет-бейнесі мен әдебіне айрықша көңіл бөлінуінің негізінде оның іскерлігі ғана емес, сонымен қатар, айналасындағыларға құрметі мен ізеті де сараланады.

Мемлекеттік қызметші халықтың назарында үнемі болғандықтан, оның әрбір айтқан сөзі мен іс-қимылын халық жіті бақылап отырады, үнемі көңіл таразысынан өткізеді.

Әдеп жөніндегі уәкілдің 2019 жылға арналған жұмыс жоспарына сәйкес, ағымдағы жылдың 22 тамыз сағат 15.00-де Энергетический ауылдық округі әкімдігінде сондай-ақ, сағат 16.30-де Жетіген ауылдық округі әкімдігінің мәжіліс залында Қазақстан Республикасының мемлекеттік қызмет, сыбайлас жемқорлыққа қарсы іс-қимыл саласындағы заңнамасының және Әдеп кодексінің талаптарын сақтау мәселелері бойынша әдіснамалық семинар өткізілді.

Аталған семинарға Іле ауданының Энергетический және Жетіген ауылдық округі әкімі аппаратының мемлекеттік қызметкерлерінен жалпы 25 адам қатысты.

Семинар барысында мемлекеттік қызметкерлерге Елбасының 2015 жылғы 29 желтоқсандағы № 153 Жарлығымен бекітілген Қазақстан Республикасы мемлекеттік қызметшілерінің әдептілік нормаларын және мінез-құлық қағидаларының, сондай-ақ Әдеп жөніндегі уәкілі институтының маңыздылығы жөнінде, Қазақстан Республикасының мемлекеттік қызмет, сыбайлас жемқорлыққа қарсы іс-қимыл саласындағы заңнамалардың талаптарын орындау қажеттігі бойынша жан-жақты ақпарат берілді.

Шара барысында мемлекеттік қызметшілерге әдеп кодексінің талаптарының қызметтен тыс жерде қатаң ұстану, сыбайлас жемқорлықтан сақтану, сыйлық алмау, жұмыс орынында себепсіз қалмау туралы бейнероликтер көрсетіліп, сондай-ақ, Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігінің Алматы облысындағы Әдеп жөніндегі кеңесінің 2019 жылғы 25 маусымдағы №7-9 ШЕШІМІ бойынша «Мемлекеттік қызметте өзара қарым-қатынастың жоғарғы мәдениетін қалыптастыруға және мемлекеттік қызметшілердің әдепсіз мінез-құлық жағдайларының алдын алуға бағытталған шара бойынша Мемлекеттік қызметшілердің әдеп негіздерін сақталуы жөніндегі» міндеттеме Декларациясы мен «Мемлекеттік қызметшінің іссапардағы тәртібі туралы» жадынамасы таныстырылды.

Сонымен қатар мемлекеттік қызметкерлердің моральдық-адамгершілік бейнесіне жəне іскерлік қасиеттеріне қойылатын талаптарды жоғарылату мақсатында Мемлекеттік қызмет істері жəне сыбайлас жемқорлыққа қарсы күрес агенттігімен және Президент жанындағы Мемлекеттік басқару академиясы бірлесе дайындаған «Мемлекеттік қызметшінің əдебі мен мінез-құлық нормалары» атты нұсқаулық Pocketbook таратылды.

Шара соңында қызметтік әдеп нормаларының сақталуын, сондай-ақ ұжымдағы моральдық-психологиялық ахуалдың жай-күйін мониторингтеу мақсатында анонимді сауалнама алынып, нәтижесі бойынша бүгінгі таңда ұжымдағы психологиялық жай – күй тұрақты.

Жоспарға сәйкес, алдағы уақытта осындай бағыттағы әдіснамалық семинарлар Междуреченск, Күрті, КазЦИК, Ащыбұлақ ауылдық округі және Боралдай кенті әкімдіктерінде, сондай-ақ аудан әкімдігінің мемлекеттік мекемелерінде өткізу жоспарланған.

М. КАРИБАЕВ,

 Іле ауданының Әдеп жөніндегі уәкілі