ЖАУАПКЕРШІЛІККЕ МӘН БЕРІЛУ КЕРЕК
Алматы облысында жергілікті билік пен құқық қорғау органдары кәмелетке толмағандардың қауіпсіздігі шараларын күшейту үшін күш біріктірді. Осы іс-шаралардың жалғасы Өтеген батыр кентінде өтті. Оған аудан әкімі Б. Қарасаев пен Алматы облысы ІІД-нің басшысы, генерал-майор Мұрат Урумханов қатысты.
Жиында жергілікті әкімдік, прокуратура, полиция, ҰҚК, білім беру органдарының басшылығы, облыстағы мектептер мен колледж директорларының қатысуымен ведомствоаралық комиссияда кәмелетке толмағандар арасындағы құқық бұзушылық, сондай-ақ құқық бұзушылықтар мен қылмыстар туралы тақырып талқыланды. Негізгі іс-шараны облыстық полиция басқармасы ұйымдастырып, кәмелетке толмағандар арасындағы криминогендік деңгейдің өсуіне алаңдаушылық білдірді.
Полиция статистикалық мәліметтер беріп, білім беру ұйымдарындағы қауіпсіздік шараларын күшейтуге, «мектеп инспекторларының» санын көбейтуге, мектеп қабырғасындағы бейнебақылауды ғаламтордың мүмкіндіктерін қарастыруға бірқатар ұсыныстар жасады.
«Балалардың қауіпсіздігін қамтамасыз ету тақырыбы әрқашан өзекті. Мұнда тек білім беру ұйымдарында қорғауды ғана емес, сонымен қатар балаларды ата-аналары мен мұғалімдерінің тәрбиесінде болудың алдын-алу мәселелерін де қарастыру қажет.
Жыл басынан бері облыстың 4 мыңнан астам тұрғыны балаларының дұрыс тәрбиесі мен қадағалауы үшін жауапқа тартылды. 367 материал кәмелетке толмағандардың құқықтарын қорғау жөніндегі комиссияның қарауына жіберілді, оның ішінде ата-аналық құқығынан айыру туралы 30-дан астам», — деді Алматы облысы ІІД-нің басшысы, генерал-майор Мұрат Урумханов.
Облыстық полиция басшысы білім беру мекемелерінде орнатылған бейнебақылау жүйелерінің, сондай-ақ мектептегі көше дәретханаларының сапасына да тоқталды. «Біздің облыста 760-тан астам мектеп бар, онда білім бөлімінің мәліметі бойынша 15 860 бейнекамера бар. Осыған қарамастан, жеке тұлғаларды анықтау функциясымен және белгісіз адамдардың мектептерге, әсіресе ішкі істер органдарында әртүрлі есепте тұрған адамдарға рұқсатсыз кіруін анықтау мүмкіндігімен бейнебақылау жүйесін кеңейту және жетілдіру қажет», — деді
Жиын барысында аудан әкімі Б. Қарасаев жауапты мекеме басшыларына қатаң ескертулер жасап, жоғарыда айтылған сын-ескертпелерді орындауға тапсырма берді. Жұмыс қорытындысын өзі қадағалайтынын айтты.
Б. ҚОЙТАН
