Аудан жаңалықтарыҚоғам

Іле ауданында бейбіт жиналыстарды ұйымдастыру және өткізу туралы

Жоба

Іле ауданында бейбіт жиналыстарды ұйымдастыру және өткізу үшін арнайы орындарды, бейбіт жиналыстарды ұйымдастыру және өткізу үшін арнайы орындарды пайдалану тәртібін, олардың шекті толу нормаларын, сондай-ақ бейбіт жиналыстарды ұйымдастыру және өткізу үшін арнайы орындарды материалдық-техникалық және ұйымдастырушылық қамтамасыз етуге қойылатын талаптар мен пикеттеуді өткізуге тыйым салынған іргелес аумақтардың шекараларын айқындау туралы

«Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы Қазақстан Республикасы Заңының 6-бабына, «Қазақстан Республикасында бейбіт жиналыстарды ұйымдастыру және өткізу тәртібі туралы» 2020 жылғы 25 мамырдағы Қазақстан Республикасы Заңының (бұдан әрі-Заң) 8-бабы 2-тармағының 1), 2) тармақшаларына сәйкес, Іле аудандық мәслихаты ШЕШІМ ҚАБЫЛДАДЫ:

  1. Қоса беріліп отырған:
  • Бейбіт жиналыстарды ұйымдастыру және өткізу үшін арнайы орындар, олардың шекті толу нормалары және материалдық – техникалық, ұйымдастырушылық қамтамасыз етуге қойылатын талаптар осы шешімнің
    1-қосымшасына сәйкес;
  • Бейбіт жиналыстарды ұйымдастыру және өткізу үшін арнайы орындарды пайдалану тәртібі осы шешімнің 2-қосымшасына сәйкес айқындалсын.
  1. Заңның 9-бабы 5-тармағына сәйкес пикеттеуді өткізуге тыйым салынған іргелес аумақтардың шекаралары кемінде 150 метр арақашықтықта айқындалсын.
  2. Осы шешімнің орындалуын бақылау Іле аудандық мәслихатының «Депутаттық этика, өкілеттілік, заңдылықты сақтау, құқық тәртібі және жұртшылықпен байланыс мәселелері жөніндегі» тұрақты комиссиясына жүктелсін.
  3. Осы шешім әділет органдарында мемлекеттік тіркелген күннен бастап күшіне енеді және алғашқы ресми жарияланған күнінен кейін күнтізбелік он күн өткен соң қолданысқа енгізіледі.

 

Іле аудандық мәслихатының сессия төрағасы    

Е. Турумбетов

Іле аудандық мәслихатының хатшысы    

Р. Абилова

Іле аудандық мәслихатының 2020 жылғы «___» шілдедегі

№ ___ шешіміне

1-қосымша

 

 

Бейбіт жиналыстарды ұйымдастыру және өткізу үшін арнайы орындар,

олардың шекті толу нормалары және материалдық-техникалық және ұйымдастырушылық қамтамасыз етуге қойылатын талаптар

 

Елді мекен Бейбіт жиналыстарды ұйымдастыру және өткізу үшін арнайы орындар Шекті толу нормалары Материалдық-техникалық және ұйымдастырушылық қамтамасыз етуге қойылатын талаптар
1 Өтеген батыр ауылы № 24 лицейдің алаңы, Қ.Рыскұлбеков көшесі, 38, Қ.Рысқұлбеков пен Тәуелсіздіктің 10 жылдығы көшелерінің қиылысы

 

400 адам

 

Жалпы аумағы — 3, 089 га;

-жарықтандыру;

-электр қуат көзіне қосылу нүктесімен қамтамасыз ету;

-бейнебақылау камерасымен және бейнетүсірілім қондырғысымен қамтамасыз ету.

2 Өтеген батыр ауылы Шерумен демонстрация маршруты — І.Жансүгіров көшесі қоғамдық көлік аялдамасы «Бес найзадан», Тәуелсіздіктің 10 жылдығы көшесінен әрі қарай  Қ.Рысқұлбеков көшесі  қиылысындағы № 24 лицейдің алаңына дейін

 

 

 

400 адам Маршруттың ұзындығы — 1 км.

-маршрут бойындағы көшенің жарығы бар;

-бейнебақылау камерасымен және бейнетүсірілім қондырғысымен қамтамасыз ету.

 

 

Іле аудандық мәслихатының 2020 жылғы «___» шілдедегі

№ ___ шешіміне

2-қосымша

 

 

Бейбіт жиналыстарды ұйымдастыру

 және өткізу үшін арнайы орындарды пайдалану тәртібі

 

Осы бейбіт жиналыстарды ұйымдастыру және өткізу үшін арнайы орындарды пайдалану тәртібі Заңның 8-бабына сәйкес әзірленді, сондай-ақ бейбіт жиналыстарды ұйымдастыру және өткізу үшін арнайы орындарды пайдалану тәртібін айқындайды.

Бейбіт жиналыстарды ұйымдастыру және өткізу үшін арнайы орындар — Іле ауданының  жергілікті өкілді органы бейбіт жиналыстар өткізу үшін айқындаған жалпыға ортақ пайдаланылатын орындар немесе жүру маршруты.

Бейбіт жиналыстарды өткізуге арнайы орындарда — сипатына қарай бейбіт, күш қолданылмайтын және қаруланбайтын, мемлекеттік қауіпсіздік, қоғамдық тәртіп, денсаулық сақтау, халықтың имандылығын, басқа адамдардың құқықтары мен бостандықтарын қорғау мүдделеріне қатер төндірмейтін болып табылатын, Қазақстан Республикасының азаматтары жиналыс, митинг пен демонстрация, шеру мен пикеттеу нысанында өткізетін жария іс-шара.

Заңды бұза отырып, жиналыс, митинг, демонстрация, шеру және пикеттеу өткізуге тыйым салынады.

Төтенше, соғыс жағдайы немесе терроризмге қарсы операцияның құқықтық режимі енгізілген кезде олардың қолданылу кезеңінде бейбіт жиналыстар өткізуге «Төтенше жағдай туралы», «Соғыс жағдайы туралы» және «Терроризмге қарсы іс-қимыл туралы» Қазақстан Республикасының заңдарында белгіленген тәртіппен тыйым салынуы немесе шектеу қойылуы мүмкін.

Бейбіт жиналыстарды бейбіт жиналыстар өткізілетін күні әкімшілік-аумақтық бірліктің жергілікті уақыты бойынша сағат 9-дан ерте бастауға және сағат 20-дан кеш аяқтауға болмайды.

Бейбіт жиналыстар өткізу үшін арнайы орындарды пайдаланған кезде ұйымдастырушы және қатысушылар Заңның 5 және 6-баптарының талаптарын сақтау қажет.

Tags

Басқа жаңалықтар

Back to top button
Close