Абай — ұлы даланың мызғымас темірқазығы

Іле аудандық кітапханасының ұйымдастыруымен 10 тамыз Абай күніне орай «» атты ZOOM платформасында оқырмандар конференциясы өтті.

Конференцияға Абайтанушы, филология ғылымдарының кандидаты Н.Кенжеғараев, М.Әуезов атындағы әдебиет және өнер институтының ғылыми қызметкері Әділет Ахметұлы, 13 орта мектептің қазақ тілі мен әдебиеті пәнінің мұғалімі С.Жұмамұратова, аудандық аналар кеңесі мүшелері және көпшілік оқырмандар қатысты.

Конференция барысында Алаш зерттеушілеріндегі Абай тұлғасы, Адамзат қоғамы және Абай, Абай мұрасының тәрбиелік мәні сұрақтары төңірегінде ой қозғалды. Сонымен қатар жергілікті жас ақын Айдана Бейсен Абайға арнау өлеңін оқып, аналар кеңесінің мүшесі Байпақбаева Бағдат Абайдың «Көзімнің қарасы» әнін орындап берді.