Новостной портал общественно-политического еженедельника "Иле-Таны"
Главная
Главная
ru kz
Илийский районный общественно-политический еженедельник
ГлавнаяНовости
6 Октября 2017 | Личность | Новости района
ЕСІМІҢМЕН, ЕРЛІГІҢМЕН МАҚТАНАМЫЗ
Адамзат тарихындағы ең сұмдық соғыстың болып өткеніне 72 жыл толды. Бұл соғыс ғасырлар бойы Отанын қорғаған жауынгер-солдаттар мен офицерлердің айбыны, тылдағы Жеңісті жақындатқан жұмысшылардың ерлік еңбектерінің мәңгі өшпейтіндігін дәлелдейтін белгі болып қалмақ. Ұлы Жеңістің жарқын да шуақты күндерін жақындатқан ерлеріміз аз емес. Солардың бірі ауданымыздың абыз қариясы, Ұлы Отан соғысының ардагері Тәңірберген Толғанбаев биыл 94 жаста.
6 Октября 2017 | Общество | Новости района
АУЫЗБІРШІЛІГІН ТАНЫТҚАН ҰЙЫМ
2017 жылдың 27 қыркүйек күні сағат 10.00-14.00 аралығында аудандық партия филиалының мәжіліс залында Іле аудандық «Үздік Бастауыш партия ұйымы» байқауы ұйымдастырылды. Бағалау төмендегі критерийлер бойынша жүргізілді: партиялық жобаларды іске асыруға қатысу; ішкі партиялық жұмыс; партиялық жұмыста жаңа әдістерді пайдалану; азаматтық бастамаларды іске асыру; БПҰ қызметін бұқаралық ақпарат құралдарында жариялау; жастармен жұмыс; тағы басқа БПҰ-ы төрағалары 1 жылғы жұмыстарын бейне-сюжет, слайд, альбом-портфолио түрінде көрсетіп, өз белсенділіктерін танытты. Байқауға БПҰ-дары партия мүшелері саны бойынша 3 санат бойынша қатысып, 3 топта өз өнерлерін көрсетті. 7 адамнан құрылған әділқазылар алқасы әр топ бойынша БПҰ-ның жұмыстарын бағалап, қорытындысын шығарды. Байқауға Алматы облыстық партия филиалының қызметкері Д.Аналдинова қатысып, сөз сөйледі. Әділқазылар алқасының төрайымыР. Абилова қорытынды сөз сөйлеп, байқау жеңімпаздары мен жүлдегерлерін аудандық партия филиалының төрағасы Қ.Медеуовтың атынан мадақтама грамоталарымен марапаттады.
ОТАНЫМ АЛТЫН БЕСІГІМ
Туған жер адам өмірінде киелі орын алады. Нақты осы жер оны елімен, өткенімен және болашақпен байланыстырады. Міне, сондықтан да, балалық шақтан бастап-ақ адамдарда Отанға деген махаббат сезімі оянады. Әрбіріміз үшін Отан ошақ басынын басталады. Туған жер... Туған ел... Осы екі ғана сөзде қаншама мағына, қаншама ой жатыр. Туған жердің қадірін әр адам әрқалай түсінеді. Ал мен үшін туған жер қадірі дүниедегі ең ұлы деген нәрсемен пара-пар. Кейбір адамдар өзінің туып өскен жерінің қадірін түсінбей жатады. Кейбірі шетелге көшіп кетіп, жұмыс жасап, сол жақтың адамы болып кетеді. Бірақ, әрбір адамды өзінің туған еліне тартып тұрады. Туған жер ұзаққа қиып жібермейді. Сен әрқашан өзің бармасаң да, ойыңмен қиялдап туған жерді, туған елді аңсайсың. Адам туған жердің қадірін одан алысқа барғанда ғана сезінеді. Ал бұл сағыныш сезімі басқа сезімдерден өзгеше, ерекше ғой.
ТУҒАН ЖЕРГЕ ҚҰРМЕТ
Еліміз жаңа тарихи кезеңге аяқ басты. Елбасымыз Н.Назарбаевтың «Болашаққа бағдар: рухани жаңғыру» атты мақаласының мақсаты – ұлт санасының өрісін кеңейтетін стратегиялық маңызы жоғары міндеттер арқылы елдіктің ертеңіне күмәнсіз жетелейтін дамудың бірде-бір бағыты. Халқымыз ғасырлар бойы туған жердің табиғатын көздің қарашығындай сақтап, оның байлығын үнемді, әрі орынды жұмсайтын теңдесі жоқ экологиялық өмір салтын ұстанып келеді. Біз жаңғыру жолында бабалардан мирас болып, қанымызға сіңген, бүгінде тамырымызда бүлкілдеп жатқан ізгі қассиеттерді қайта түлетуіміз керек. Ұлттық салт-дәстүріміз, тіліміз бен музыкамыз, әдебиетіміз, бір сөзбен айтқанда ұлттық рухымыз бойымызда мәңгі қалуға тиісті екенін қадап айтты. Қазақта «Туған жерге туыңды тік» деп бекер айтпаған. Сол себепті, «Туған жер» бағдарламасын қолға алуды ұсынды. Туған жерге, оның мәдениеті мен салт-дәстүріне айрықша іңкәрлікпен атсалысу – шынайы патриотизмнің маңызы. Сондықтан, туған жерге құрмет көрсету әр азаматтың парызы десек артық болмас.
ҰЛТ КЕЛБЕТІ - ЖАЛЫНДЫ ЖАСТАР
Қыркүйектің 21-22 аралығында Көкшетау жеріндегі Бурабай мекенінде өткен «Рухани жаңғыру: Ұлт келбеті – жалынды жастар» атты жас кітапханашылардың республикалық форумына Іле ауданынан қатысып қайттым. Форумға Қазақстанның барлық аймағынан жас кітапханашылар, белгілі қоғам қайраткерлері, ғылым, мәдениет, білім беру саласының өкілдері қатысты. Кітапхана ісі жас мамандарының біліктіліктерін арттыру, жариялылық, кітапханалар қызметінің жаңа технологиялары формаларын және оның қолдану әдістерін меңгеру, өз ара кәсіби дағдылармен алмасу мақсатында өткізілген бұл форум есте қаларлықтай болды. Алғашқы күні қатысушылар «Кітапханашылар аллеясына» ағаш отырғызып, Бурабай өлкесінің таңдай қақтырар, тарихқа бай киелі жерлерін аралап, табиғатымен танысты. Алакөл аудандық кітапханасының кітапты насихаттау, халықпен жұмыс жасау, мәдени құндылықтарды бағалау жұмыстарымен, кітапхананың қол жеткізген жетістіктерімен танысты.