ТҰРҒЫНДАРДЫҢ ҰСЫНЫСЫ ҚАБЫЛДАНДЫ

Алматы облысы полиция департаменті бастығының орынбасары, полиция подполковнигі Е. Абдикенов арнайы ауданымызға келіп, «Қоғамдық қабылдау» іс-шарасын өткізіп, тұрғындарды арыз-шағымдары бойынша қабылдады.

Іс-шара аудандық ішкі істер басқармасының қабылдау бөлімінде өтті.

Полиция қызметінің ашықтығын, жариялылығын қамтамасыз ете отырып, аудан тұрғындары арасындағы қылмыстық істердің ашылу салдарын жақсарту, тұрғындардың өтініштерін қабылдауға  бағытталған.

Қабылдауға келгендер өздерін толғандырған мәселелерді ортаға салып, шағымдарын айтты. Оған арнайы келген жауапты тұлғалар мүмкіндігінше нақтылы жауаптар беріп, мәселені шешу жолдарын түсіндірді, азаматтардың арыздарын қабылдады. Мұндағы обылыстан арнайы келген маманымыз тұрғындарға ақыл-кеңестерін айтып, қажет болса, көмектерін беруде.

Мысалы, үйі тоналған

Бұл күні қоғамдық қабылдауға 3 адам келіп, үй тонау, ұрлық пен басқа да қылмыстық істер аясында өздерін толғандырып жүрген сұрақтарын қойып, көңілге қонарлық жауаптар алды.

Аталған өзекті мәселелердің барлығы назарға алынып оң шешімін табу үшін тиісті сала басшыларына ұсыныстар жолданды.

Б. ЧОЙБАСОВ