ІЗГІ ІЗЕТ ЖОЛЫМЕН

Іле ауданы ардагерлер ұйымының бекіткен жоспарына сәйкес, «Рухани жаңғыру» мақаласы аясында округ тұрғындары арасында ақсақалдар кеңесінің және Байсерке ауылдық округ әкімі аппарат қызметкерлерінің ұйымдастыруымен « Батамен ел көгерер» атты округтік байқау өткізілді.

Аталмыш байқауға округке қарасты Көктерек, Байсерке,Жаңаталап, Қоянқұс, Ынтымақ елді мекендерінен үміткерлер қатысып, І-орынға Көктерек елді мекенінен Қыдырбаев Нүркәділ, ІІ-орынға Ынтымақ елді мекенінен Дінмухамед Фарахад, ІІІ-орынға Байсерке елді мекенінен Сулейменов Сұлтанқұл ие болып, округ әкімінің алғыс хаттарымен марапатталды.

Өткізілген іс-шараның мақсаты үлкенге өнеге , кішіге ізет көрсету; бата сөздерді үйренуді жастарға барынша насихаттай отырып, жас ұрпаққа үлгі ету, жастардың туған жерге деген сүйіспеншілігін арттыру болып табылады.

Л. ДАИРБЕКОВА, округ әкімінің бас маманы