Тәуелсіздік таңы құтты болсын!   

Тәуелсіздік деген сөздің мағынасы қанша көлемді болса,қазақ тәуелсіздігінің тарихы да сонша терең.Ата бабамыз сан жылдар армандаған еркіндік, ешкімге бодан болмауға деген талпыныс,елін,жерін қорғауға деген жаужүректік, дәстүрін-салтын сақтауға деген асқақ арман,бәрі,бәрі осы бір қасиетті сөзге арқау болып тұр. Елімізде аталып өтетін мерекелердің ең ұлысы да,ең бастысы да -Тәуелсіздік мерекесі  болуы заңды.Қазіргі таңда ұлт мерекесін жастарға  насихаттау,оның қадірін түсіндіру және  жан-жақты мәліметтер беруді білім ошақтары  жоспарлы түрде жүргізіп отыр.Қашықтықтан оқыту барысында да тәрбие сағаттарында тәуелсіздік мерекесіне арналған іс-шаралар толастаған емес,бейнероликтер,көрнекі слайдтар арқылы оқушылардың танымын дамыту , еліміздің шынайы патриоттарын тәрбиелеу -басты назарда.Барша аудан халқын алдымыздағы қымбат мерекемен құттықтаймын,болашағымыздың кепілі болған Тәуелсіздік тұғырлы болсын!!!

Г.Жумабаева  21 ОМ физика пәні мұғалімі