Тоқаев дауға айналған тұрмыстық зорлық-зомбылық туралы заңға қатысты пікір білдірд

«Отбасылық-тұрмыстық зорлық-зомбылыққа қарсы іс-қимыл туралы» заң жобасы қоғамда қызу талқыға түсуде. Бұл – орынды. Өзекті мәселелер кеңінен талқылануға тиіс. Оның нормаларын мұқият қарап, барлық пікірлерді ескерген жөн. Басты міндетіміз – әйелдер мен балалар құқығын қорғау», — деп жазды Тоқаев Twitter-де.

Бұған дейін әлеуметтік желілерде Қазақстанда жаңа заң қабылданды деген қауесет пайда болды, оған сәйкес кез келген адамды 15 тәулікке қамауға алуға болады, ал үшінші тұлғалардың өтініші бойынша балаларды отбасынан тартып алуға болады.

Қауесет 23 қыркүйекте Парламент Мәжілісінің жалпы отырысынан кейін пайда болды. Онда депутаттар «Отбасылық-тұрмыстық зорлық-зомбылыққа қарсы іс-қимыл туралы» заң жобасын бірінші оқылымда мақұлдады. Мәжілісмендердің сөзін дұрыс түсінбеген азаматтар балаларына алаңдаушылық білдіріп, тіпті қоғамды жаңа заңның қабылдануына қарсы дауыс беруге шақыра бастады.