«АТАМЕКЕН» ШАҒЫН БИЗНЕС ӨКІЛДЕРІМЕН КЕЗДЕСТІ
Қарқынды дамып келе жатқан экономикалық орта шеңберінде кәсіпкерлер мен мемлекеттік құрылымдар арасындағы өзара іс-қимыл маңызды құрамдас болып табылады. Осындай жемісті өзара іс-қимылдың бір мысалы Алматы облысының «Атамекен» кәсіпкерлер палатасы ұйымдастырған іс-шара болды. Оған Іле ауданының кәсіпкерлері, әкімдік, сыбайлас жемқорлыққа қарсы қызмет, прокуратура және Мемлекеттік кірістер департаментінің өкілдері қатысты.
Кездесу 14 ақпанда Өтеген батыр ауылында өтті және бизнес-қоғамдастық пен мемлекеттік органдар арасындағы сындарлы диалогтың тұғырнамасына айналды. Қатысушылар кәсіпкерлікті қолдауға, инвестициялық ахуалды жақсартуға, сондай-ақ сыбайлас жемқорлыққа қарсы күреске қатысты бірқатар өзекті мәселелерді талқылады. Аудан көлеміндегі шағын және орта кәсіп өкілдерінің жанайқайы тыңдалды. Мысалға алсақ, салық төлемдерінің көтерілуі жеке шағын балабақша, дүкендер сынды орта және шағын кәсіпкерлердің халыққа ұсынып отырған жұмыс көздері жабылу алдында тұр.
Кәсіпкерлер палатасының өкілдері мен сыбайлас жемқорлыққа қарсы тобы бизнеске, әсіресе, өңірлік контексте белсенді қолдау көрсетуге дайын екендіктерін білдірді. Ауданда бизнесті дамыту үшін жағдайды жақсартуға уәде етілді. Бұған салық төлеудегі кемшіліктерді түзеу яғни жеке табыс салығы мен бюджеттік сыныптаманың коды да кіреді. Жалпы үш жыл бұрын Мемлекет басшысының жарлығымен мемлекет қолайлы кәсіпкерлік ортаны құруға шешуші мән беріп, кәсіпкерлікті тексеруге мараторий жариялаған болатын. Енді сол тексеріс уақыты аяқталып, жеке кәсіпкерлердің көпшілігі беталды тексеру жүре ме деп алаңдайды. Президиумдағы отырғандар ешқандайда алаңдаудың қажеті жоқ екенін және барлығы да заң төңірегінде ғана болатыны, қызметін асыра пайдаланбақшы болғандарға шұғыл байланыс телефондары істеп тұрғанын ескертті.
Кездесуде сыбайлас жемқорлыққа қарсы іс-қимыл мәселелері де талқыланды. Кәсіпкерлер мен мемлекеттік органдар сыбайлас жемқорлыққа қарсы тиімді шаралардың қажеттілігі туралы жалпы түсінік білдірді. Сыбайлас жемқорлыққа қарсы қызмет пен прокуратура бизнес саласындағы ашықтықты және заңдылықты сақтауға бағытталған өздерінің қолданыстағы бағдарламалары мен жеке кәсіпкерліктің мекеме есіктеріне ілінетін жапсырғыш ұсынды.
Мұндай кездесулер өңірдегі тұрақты экономикалық өсуге және бизнес-ортаның дамуына ықпал ете отырып, кәсіпкерлер мен мемлекеттік органдар арасындағы жемісті әріптестікті қалыптастырудағы маңызды қадам болып табылады. Сенім мен өзара түсіністікке негізделген бірлескен жобаларды әзірлеу және іске асыру бизнес-қоғамдастықты нығайтуға және облыс экономикасының өркендеуін қамтамасыз етуге мүмкіндік береді.
Бағдат ШОЙБАС
