ЖОЛШЫ БОЛУҒА ЖОЛ АШЫҚ
Бүгін мектеп оқушыларына арналған кәсіби бағдар беру бойынша онлайн-кездесу өтті. Еліміздің барлық аймақтарынан қатысқан оқушыларға Жол активтері сапасы Ұлттық орталығының бас директоры Болатбек Айтбаев жолшы болам деген жасөспірімдерге мамандықтың қыр-сырын түсіндіріп берді.
ЖАСҰО Бас директоры Болатбек Айтбаев ZOOM режимінде өткізген онлайн-кездесуге еліміздің 18 өңірінен жоғары сыныптың 4 000-нан астам оқушысы мен кейбір өңірлерде олардың ата-аналары да қатысты.
Болтабек Қобланбекұлы қатысушыларды 2025-2026 оқу жылындағы қабылдау ережелерімен, «Көлік құрылысы» мамандығына бөлінетін мемлекеттік гранттар санымен, оқуға түсу ерекшеліктерімен, факультеттермен және мамандықтармен, оқу шарттарымен және мансаптық өсу мүмкіндіктерін таныстырды. Спикер түлектердің келешекте жұмысқа орналастыру және оқу кезеңінде студенттердің өзін-өзі дамытатын мүмкіндіктерін әңгімеледі.
Түлектерге Қазақстанның автожол ЖОО-да оқудың артықшылықтары туралы мәлімет берілді. Биылғы оқу жылына мемлекет «Көлік құрылысы» білім беру бағдарламалары тобына 700-ден астам грант бөлді. Оқуға түсу үшін бейіндік пәндер-математика және физика жіне 50 балмен өту мүмкіндігі қарастырылған.
ЖАСҰО қызметкерлері кәсіптік бағдар беру бағытында оқушылармен 7500-ден астам кездесу өткізді. Астана және Алматы қалаларының РФММ, BINOM SCHOOL меморандумдарға қол қойды. Сапа орталығының зертханаларында оқушылар үшін Ашық есік күндері үнемі өткізіледі. Онда іс жүзінде балаларға жолдың жай-күйі қалай анықталатыны көрсетіледі.
Мақсат — Қазақстан жастарын автожол саласына тарту, жолшы мамандарын даярлау, олардың кәсіби дамуын қолдау және елдің көлік инфрақұрылымын дамытуға үлес қосу.
Айта кету керек, Жол активтері сапасының ұлттық орталығы жыл сайын жастарға кәсіптік бағдар беру жұмыстарын жүргізеді. Кәсіпорында студенттер ақылы өндірістік практикадан өтеді (80 мың теңге./ ай.). 243 студент ЖАСҰО-да тәжірибеден өтті, оның 19-ы кәсіпорынға жұмысқа орналасқан.
