Жұмыспен қамту және әлеуметтік бағдарламалар бөлімінің мемлекеттік қызмет көрсету саласы бойынша атқарылған жұмыстарыты

Ауданда жұмыспен қамту және әлеуметтік бағдарламалар саласында мемлекеттік қызметтер көрсету жүйелі түрде жүзеге асырылуда. Экономикалық белсенді халық саны 239,4 мың адамды құрайды, оның 110,4 мыңы жұмыспен қамтылған, ал жалпы жұмыссыздық деңгейі 4,4% деңгейінде қалып отыр.

Жұмыспен қамтуды қамтамасыз ету мақсатында есепті кезеңде 9 859 жаңа жұмыс орны құрылды, оның ішінде 8 505-і тұрақты жұмыс орындары. Бұл көрсеткіш жоспардың 88 пайызға орындалғанын көрсетеді және еңбек нарығындағы тұрақтылықты сақтауға ықпал етті.

Әлеуметтік жұмыс орындарын ұйымдастыру бағыты бойынша жылдық жоспар 114 пайызға орындалып, 96 азамат уақытша жұмыспен қамтылды. Олардың бір бөлігі тұрақты жұмысқа орналасса, қалғандары өзін-өзі жұмыспен қамтуға бағыт алды. Жыл соңына дейін бұл көрсеткіштерді одан әрі арттыру көзделіп отыр.

Сонымен қатар, аз қамтылған отбасыларды қолдау мақсатында атаулы әлеуметтік көмек көрсету бойынша мемлекеттік қызметтер көрсетілді. Есепті кезеңде 500-ден астам отбасыға әлеуметтік көмек тағайындалып, бұл шаралар азаматтардың табысын арттыруға және әлеуметтік жағдайын жақсартуға оң әсерін тигізді.

Жалпы алғанда, жұмыспен қамту және әлеуметтік қолдау саласындағы мемлекеттік қызметтер халықты еңбекке тарту, әлеуметтік қолдауға мұқтаж азаматтарды қамту және өңірдегі әлеуметтік тұрақтылықты қамтамасыз етуге бағытталған.

Жұмыспен қамту және әлеуметтік бағдарламалар бөлімінің басшысы Ж.Сатыбалдиновна