Іле ауданының әкімдігі ауданның нышан жобасын әзірлеу бойынша конкурс жариялайды!
Қазақстан Республикасы Мәдениет және ақпарат министрінің
2024 жылғы 30 қазандағы № 503-НҚ бұйрығымен бекітілген Өңірлік нышан жобасын әзірлеу қағидаларына сәйкес, Іле ауданы нышанын әзірлеу үшін өтініштер 1 ай мерзімде (2026 жылғы 3 наурыздан — 2026 жылғы 3 сәуір аралығында) қабылданады.
Аудандық нышан жобасына қойылатын талаптар:
— геральдикалық белгілерді сақтау,
— өңірдің ұлттық дәстүрлерін, тарихи, мәдени, географиялық, әлеуметтік-экономикалық ерекшеліктерін (Іле ауданы облыстағы экономикалық өндірістік-өнеркәсіптік орталық болып табылады) ескеру қағидаттарына негізделеді.
— жобаның визуалды құрамдас бөлігі, үш өлшемді кескіні және (немесе) моделі анық бедері бар;
— жобада ресми атаулар, жазулар және басқа да мәтіндер қазақ тілінде жазылады;
— жобаны әзірлеу кезінде авторлық құқықты және (немесе) сабақтас құқықты бұзуға, плагиатқа жол берілмейді.
Конкурс жеңімпазына 1 000 000 (бір миллион) теңге көлемінде ақшалай сыйақы беріледі.Қатысуға өтінім қазақ және орыс тілдерінде қабылданады және жобаның сипаттамасын қамтиды.
Конкурсқа қатысуға өтінімдерді Іле ауданының ішкі саясат бөліміне (электронды көшірмесі ili_vp_2021@mail.ru поштасына) қағаз және электронды тасымалдағышта 2026 жылғы 3 сәуірінен кешіктірілмей ұсынылуы тиіс! Сұрақтар туындаған жағдайда 87072009292 (Тоқашбаев Мұрат Жандосұлы), нөміріне хабарласуға болады.
