Іледегі игі іс

Өтеген батыр ауылының Ақсақалдар кеңесінің бастамасымен «Таза Қазақстан» жобасы аясында игі шара ұйымдастырылды. Ауыл ақсақалдары елді мекеннің көркеюіне үлес қосып, көшелер бойына шырша көшеттерін отырғызды.

Аталған бастама – қоршаған ортаны қорғау, ауылдың экологиялық ахуалын жақсарту және келер ұрпаққа таза, жасыл орта қалдыруға бағытталған маңызды қадам. Іс-шара барысында ақсақалдар жастарға үлгі көрсетіп, табиғатты аялау мен туған жерге жанашырлық танытудың маңыздылығын атап өтті.
Осындай игі істер ауыл тұрғындарының бірлігін арттырып, ортақ іске деген жауапкершілігін күшейте түседі. #Тазарукүні #ТазаҚазақстан