Қоғамдық қауіпсіздік – ортақ міндет

Қоғамдық қауіпсіздік – елдегі тұрақтылық пен азаматтардың тыныштығын қамтамасыз ететін маңызды бағыттардың бірі. Қауіпсіз ортаны қалыптастыру тек құқық қорғау органдарының ғана емес, әрбір азаматтың ортақ міндеті. Қоғамдық орындарда тәртіп сақтау, заң талаптарын орындау, жол қозғалысы ережелерін бұзбау және құқық бұзушылықтың алдын алуға атсалысу – қауіпсіздікті нығайтудың негізгі шарттары. Сонымен қатар жастар арасында құқықтық сауаттылықты арттыру, буллинг, зорлық-зомбылық және есірткі қылмыстарының алдын алу бойынша түсіндіру жұмыстарын тұрақты жүргізудің маңызы зор. Азаматтар күмәнді жағдайларға бейжай қарамай, тиісті органдарға хабарлауы қажет. Өзара құрмет пен жауапкершілік қалыптасқан қоғамда тәртіп те, тұрақтылық та берік болады. Сондықтан қоғамдық қауіпсіздікті сақтау – баршаға ортақ жауапкершілік.