«Small» сауда орталығында азаматтармен ашық пікір алмасу өтті
«Әділет» партиясы Іле аудандық филиалының сайлауалды штабының мүшелері «Small» сауда орталығында азаматтармен кездесу өткізді.
Жүздесу барысында тұрғындар мен сауда орталығының қызметкерлері қоғамдағы әлеуметтік-экономикалық мәселелер, халықтың әл-ауқаты және азаматтарды толғандыратын өзекті мәселелер жөнінде пікір алмасты.
Кездесу барысында қатысушылар өздерін қызықтырған сұрақтарын қойып, ұсыныстары мен пікірлерін білдірді. Партия өкілдері қойылған сауалдарға жауап беріп, көтерілген мәселелер бойынша түсініктеме берді.
Ашық форматта өткен кездесуде тұрғындардың ұсыныстарын тыңдауға және азаматтармен тікелей пікір алмасуға басымдық берілді. Жүздесу барысында қоғамдағы өзекті мәселелерді талқылаудың және халықтың пікірін ескерудің маңыздылығы атап өтілді.
