ТАҒАЙЫНДАУ
Ортыбаев Кайрат Ауелханович
аудан әкімінің өкімімен Қараой ауылдық округінің әкімі болып тағайындалды.
Ортыбаев Кайрат Ауелханович 1986 жылы 4 қазанда Алматы облысы, Талғар ауданына қарасты Қызыл-Ту ауылында дүниеге келген.
Қ. Ауелханович 2006 жылы қазіргі Алматы экономика және технологиялар колледжін аяқтап, 2006-2010 жылдары Алматы үздіксіз білім беру университетінде құқықтану мамандығы бойынша білім алған.
Ол еңбек жолын 2006 жылы Алматы облысы Іле ауданы Байсерке ауылдық округі әкімі аппаратында жүргізуші болудан бастап, 2007-2008 жылдары Алматы облысы «Іле аудандық спорт және дене тәрбиесі бөлімі» мемлекеттік мекемесінде жетекші маманның міндетін атқарушы болып қызмет етті. Ал, 2010-2014 жылдар аралығында Алматы облысы Іле ауданы Өтеген батыр ауылында орналасқан «Іле ауданының спорт және дене тәрбиесі бөлімі» мемлекеттік мекемесінде бас маман болып еңбек етті.
2014-2021 жылдары «Іле ауданының дене шынықтыру және спорт бөлімі» мемлекеттік мекемесінің басшысы болса, 2021 жылдан қазіргі уақытқа дейін Алматы облысы Іле ауданы Энергетический ауылдық округі әкімінің орынбасары қызметін атқарды.
