Пікір алуандығы – демократияның айнасы

Менің пікірімше, бұл мәтін Қазақстанның халықпен, табиғатпен және әлеммен үйлесімді өмір сүруге ұмтылатынын көрсетеді. Меншік туралы баптар тек құқық емес, сонымен бірге әр азамат пен мемлекетке жауапкершілік жүктейтінін айқын көрсетеді. Жер мен табиғи ресурстардың халыққа тиесілі болуы – болашақ ұрпақ алдындағы жауапкершілікті білдіреді.

Тіл саясаты да өте орынды жасалған: қазақ тілі мемлекеттік тіл ретінде сақталып, ұлттық бірегейлікті нығайтады, ал орыс тілі мен басқа тілдерді дамытуға жағдай жасау – көпұлтты қоғамдағы татулық пен түсіністікті қамтамасыз етеді.

Сонымен қатар, халықаралық саясаттағы бейбіт бағыт Қазақстанның әлемдік қауымдастықта сенімді және жауапты серіктес болғысы келетінін көрсетеді. Жалпы, бұл Конституция елдің тұрақтылығы, әділеттілігі және болашаққа деген жауапкершілігін баса көрсететін құжат деп ойлаймын.

Аубакирова Ардақ Ахметжанқызы Ішкі саясат бөлімінің бас маманы