ТӨЛЕ БИ АУЫЛЫНДА БІЛІМ САПАСЫН АРТТЫРУ МӘСЕЛЕЛЕРІ ТАЛҚЫЛАНДЫ
«Әділет» партиясының Іле аудандық сайлауалды штабының мүшелері Ащыбұлақ ауылдық округіне қарасты Төле би ауылындағы №37 жалпы орта мектебінің педагогикалық ұжымымен кездесу өткізді.
Жиын барысында білім беру саласының қазіргі жағдайы мен оны дамытуға қатысты бірқатар мәселелер талқыланды. Атап айтқанда, білім сапасын арттыру, педагогтердің кәсіби дамуына жағдай жасау, мектептің материалдық-техникалық базасын нығайту, білім беру үдерісіне заманауи технологияларды енгізу және оқушылардың жан-жақты дамуына қолайлы орта қалыптастыру мәселелері сөз болды.
Кездесуде штаб мүшелері «Әділет» партиясының 2026–2031 жылдарға арналған сайлауалды бағдарламасындағы білім беру саласына қатысты бағыттар жөнінде ақпарат берді. Педагогтердің кәсіби әлеуетін арттыру, білім беру инфрақұрылымын жетілдіру және оқушылардың сапалы білім алуына жағдай жасауға қатысты ұсыныстар таныстырылды.
Ашық пікір алмасу барысында №37 жалпы орта мектебінің педагогтері білім саласындағы өзекті мәселелер жөнінде пікір білдіріп, ұсыныстарын ортаға салды. Сонымен қатар мұғалімдердің еңбек жағдайы, кәсіби даму мүмкіндіктері және оқу үдерісін жетілдіру мәселелері талқыланды.
Кездесу соңында қатысушылар көтерілген мәселелер бойынша пікір алмасып, білім беру саласын дамытуға қатысты ұсыныстарды талқылады.
