Медициналық қызмет сапасы мен қолжетімділігі талқыланды

«Әділет» партиясы Іле аудандық филиалының сайлауалды штабының мүшелері «Алиев» медициналық орталығының қызметкерлерімен кездесті.

Кездесу барысында денсаулық сақтау саласының өзекті мәселелері, медициналық көмектің сапасы мен қолжетімділігі, сондай-ақ медицина қызметкерлерінің еңбек жағдайлары талқыланды.

Медицина мамандары күнделікті жұмыс барысында кездесетін мәселелерді айтып, салаға қатысты ұсыныстары мен пікірлерін білдірді. Кездесуге қатысушылар денсаулық сақтау жүйесін жетілдіру, халыққа көрсетілетін медициналық қызметтердің сапасын арттыру және қызмет көрсету қолжетімділігін қамтамасыз ету мәселелері бойынша пікір алмасты.

Жиын соңында медицина қызметкерлерінің ұсыныстары тыңдалып, көтерілген мәселелер бойынша ашық пікір алмасу өтті. Кездесу еңбек ұжымының ой-пікірін тыңдауға және саладағы өзекті мәселелерді талқылауға бағытталды.