Референдум: Халыққа қол жетімді бағадағы жәрмеңке

Өткізіліп жатқан референдум аясында, Іле ауданы, Боролдай кентінде тұрғындарға қолайлы жағдай жасау мақсатында ауыл шаруашылығы өнімдерінің жәрмеңкесі ұйымдастырылды.

Жәрмеңке Бостанова көшесі бойында орналасқан №338, №339 және №346 референдум учаскелерінің жанында өтуде. Мұнда тұрғындар жергілікті өндірушілер ұсынған жаңа әрі сапалы ауыл шаруашылығы өнімдерін қолжетімді бағамен сатып алу мүмкіндігіне ие.

Ұйымдастырушылардың айтуынша, жәрмеңкенің басты мақсаты – референдумға келген тұрғындарға қолайлы жағдай жасап қана қоймай, жергілікті өнім өндірушілерді қолдау. Жәрмеңке күні бойы жұмыс істеп, келушілерге түрлі азық-түлік өнімдері ұсынылуда.