БОРАЛДАЙДАҒЫ №54 МЕКТЕП ҰЖЫМЫМЕН БІЛІМ САЛАСЫНЫҢ ӨЗЕКТІ МӘСЕЛЕЛЕРІ ТАЛҚЫЛАНДЫ
Боралдай кентіндегі №54 жалпы орта мектепте білім беру саласының өзекті мәселелеріне арналған кездесу өтті. Жиынға мектептің педагогикалық ұжымы мен «Әділет» партиясының Іле аудандық штабының өкілдері қатысты.
Кездесу барысында білім сапасын арттыру, педагогтердің кәсіби дамуына жағдай жасау, мектептердің материалдық-техникалық базасын нығайту, оқушылар үшін қолайлы білім беру ортасын қалыптастыру және жастардың жан-жақты дамуына мүмкіндік жасау мәселелері талқыланды.
Педагогтер білім беру саласындағы өзекті мәселелер бойынша пікір білдіріп, ұстаздардың еңбек жағдайын жақсарту, оқушылардың сапалы білім алуына қажетті мүмкіндіктерді кеңейту және білім беру инфрақұрылымын жетілдіруге қатысты ұсыныстарын ортаға салды.
Жиын барысында қатысушылар көтерілген мәселелер бойынша пікір алмасып, білім беру жүйесін дамытуда педагогтердің тәжірибесі мен ұсыныстарын ескерудің маңыздылығына тоқталды.
Сапалы білім беру, ұстаздардың кәсіби дамуына жағдай жасау және оқушылар үшін заманауи әрі қолайлы білім ортасын қалыптастыру – білім саласындағы маңызды міндеттердің бірі. Осы бағыттағы мәселелерді талқылау және педагогикалық қауымдастықпен ашық пікір алмасу алдағы уақытта да жалғасады.
