Жаңа Конституция – құқық пен жауапкершіліктің берік негізі

Қоғамның тұрақты дамуы азаматтардың өз құқықтары мен бостандықтарын білуімен қатар, заң талаптарын сақтау және өз міндеттеріне жауапкершілікпен қарауымен тығыз байланысты.

Жаңа Конституцияны талқылау барысында адам құқықтары мен бостандықтарын қорғау, заң үстемдігін қамтамасыз ету және азаматтық жауапкершілікті арттыру мәселелеріне ерекше мән беріледі. Құқық пен еркіндік – демократиялық қоғамның маңызды құндылықтары. Сонымен бірге әрбір азаматтың құқықтарын жүзеге асыруы басқа адамдардың құқықтары мен заңды мүдделерін құрметтеумен қатар жүруі тиіс.

Заң талаптарын сақтау қоғамдағы тұрақтылық пен қауіпсіздікті қамтамасыз етудің негізгі шарттарының бірі болып табылады. Ортақ тәртіп пен заң нормаларын құрметтеу азаматтардың өзара сыйластығын нығайтып, әлеуметтік және экономикалық дамуға қолайлы орта қалыптастырады.

Бұл бағытта жастардың құқықтық мәдениетін қалыптастырудың маңызы зор. Жастардың өз құқықтарын білуі, заңды құрметтеуі, қоғамдық ортада жауапкершілік танытуы және цифрлық кеңістікте өзге азаматтардың құқықтары мен ар-намысына құрметпен қарауы – қазіргі азаматтық қоғамның маңызды талаптарының бірі.

Жаңа Конституцияны талқылау тек құқықтар мен бостандықтар мәселесімен шектелмей, азамат пен мемлекеттің өзара жауапкершілігі, заң үстемдігі және қоғамдық тәртіп қағидаттарын нығайту тұрғысынан да қарастырылуы қажет.

Құқық пен жауапкершіліктің үйлесуі – тұрақты, қауіпсіз және әділетті қоғам қалыптастырудың маңызды негізі. Конституциялық құндылықтарды құрметтеу және заң талаптарын сақтау әр азаматтың ортақ жауапкершілігі болып табылады.