АЭС – тұрақты энергияның кепілі: Халықтық штаб спортшылармен кездесті

АЭС салуды қолдау мақсатында Іле ауданында Халықтық штаб спортшылармен кездесу өткізді.
Штаб мүшелері атом энергетикасының парниктік газдардың шығарындыларын азайтуға және Қазақстанның энергетикалық тәуелсіздігін қамтамасыз етуге көмектесетінін түсіндірді.

Жиынға қатысушылар атом электр станцияларының заманауи қауіпсіздік шараларымен танысып, өздерін қызықтырған сұрақтарға жауап алды.

💬 «Біз АЭС арқылы елдің болашағына сенімді негіз қалағымыз келеді. Бұл экологиялық таза және тұрақты энергия көзі ретінде Қазақстанның дамуына үлкен үлес қосады. АЭС салу арқылы біз энергияның қауіпсіздігі мен тұрақтылығын қамтамасыз етіп, экономиканың әртүрлі салаларын дамытуға ықпал етеміз», – деді Халықтық штаб мүшесі Мақсат Сейдалиев.

Кездесуде спортшылар атом энергетикасы туралы көбірек біліп, өз ойларын ортаға салды.

Штаб өкілдері АЭС-тің жаңа жұмыс орындарын құруға, инфрақұрылымды дамытуға және аймақтың әлеуметтік-экономикалық жағдайын жақсартуға үлкен ықпал ететінін айтты.