Қазақстанда коронавирустан тағы 3 адам көз жұмды

Олардың екеуі ер адам, біреуі 1935 жылы туған қарт әйел

Коронавирустың таралуына жол бермеу жөніндегі ведомствоаралық комиссия Қазақстанда тағы үш өлімнің тіркелгенін хабарлайды.

«Қазақстанда коронавирус инфекциясынан 3 адам көз жұмды. Олар 1956 жылы туған Шымкент тұрғыны, 1935 жылы туған Павлодар облысындағы азаматша, 1959 жылы туған Нұр-Сұлтан қаласының тұрғыны», — деп хабарлайды комиссия.

Коронавирусты жұқтырған науқастардың өлім жағдайын зерттеу жөніндегі комиссия аталған өлім себептерін коронавирус инфекциясынан орын алды деп тіркеуге шешім қабылдаған. Осылайша, Қазақстанда COVID-19-дың кесірінен көз жұмғандардың саны 44 адамға жетті.