«Nur Otan» партиясының кандидаты Гүлжан Жұбайқызының құттықтауы

Құрметті қазақ елі! Баршаңызды бүгінгі республикамыздың әр азаматы үшін айтулы мерекесі — Тәуелсіздік күнімен шын жүрегімнен құттықтаймын! Жүректері елім деп соққан жастарымыз бастарын бәйгеге тігіп, бодандық құрсауынан шығуға ұмтылған рухты ерліктері — бүгінгі Тәуелсіз Қазақстанның жарқын істерімен жалғасын табуда. Бұл күн — ата-бабамыздың аңсаған арманының жүзеге асқан, елімізге еркіндік сыйлаған Ұлы күн. Ендеше ұлттық қасиетіміз бен ұлттық құндылықтарымызды ұлықтап, ұлттық намысымызды оятқан, әлемге қазақты азат сүйгіш, рухы биік, намысы берік халық ретінде жариялаған Тәуелсіздік күні құтты болсын! Осындай мерейлі шақта еліміздің гүлденіп-көркеюі жолында аянбай еңбектеніп жатқан барша қазақстандықтарды, елімді Ұлттық мерекемізбен құттықтай отырып, Сіздерге мықты денсаулық, отбасылық береке, жемісті еңбек тілеймін. Ел іргесі аман, бауырымыз бүтін болсын ағайын!