ДЕНСАУЛЫҒЫМЫЗ ӨЗІМІЗГЕ БАЙЛАНЫСТЫ

Баршамызға белгілі үстіміздегі жылдың ақпан айынан бастап Қазақстан халқына коронавирус індетіне қарсы  «Спутник-V» вакцинасын егу басталған болатын. Алғашқы кезекте мемлекеттік қызметкерлерге, дәрігерлер мен мұғалімдерге екпе жасалынды. Ресей вакцинасының екі компонентін алған адамдардың 80-90 пайызының  денсаулығының жақсарып, жұқпалы індетке қарсы имунитетінің күшейгені анықталып отыр.

Өтеген батыр кентіндегі аймақтық балалар ауруханасы жанында орналасқан вакцина орталығындағы ұзын-сонар кезек осыны дәлелдегендей. Тұрғындар өз денсаулықтары өз қолдарында екенін түсініп, екпе салдыруға асығып-ақ жатыр.

Бүгінгі таңда жеке кәсіппен айналысатын азаматтардың да екпе салдыруда белсенділігі жоғары. Өз қызметкерлерінің індетке қарсы екпе алуына барынша жағдай жасаған.

4 тамыздағы мәліметтерге сүйенсек, бүгінгі таңда  63 мың 520 адам вакцинаның 1 компонентін, ал 46 мың 229 адам 2 компонентін алып үлгерген.

Алдағы уақытта бұл көрсеткіштің өсе түсетіндігіне сенім мол. Жерлестеріміз  екпе салдырмай, індетті жеңе алмайтындықтарын түсінген сыңайлы.

                                     Өз тілшіміз