Пневматикалық қарудан оқ атудан жарыс өтті

2022 жылдың  11 ақпанында  №13 М.Мақатаев атындағы орта мектебінде Кеңес әскерінің Ауған жерінен шығарылғанына – 33 жыл  толуына орай Энергетический округінің  аймақтық «Жас мерген – 2022»  іріктеу сайысы  және  11 сынып оқушыларына  тіркеу куәлігін салтанатты түрде тапсыру  іс-шарасы    өткізілді.

Іс-шараға Энергетический ауылдық округінің  Ауған соғыс ардагерлері, білім бөлімінен Іле ауданының АӘД және спорт методисі С.С.Джантелеев  және Іле ауданының ҚІЖБ-і атынан – ББК ( ӘПЖ және ҚКА жұмыс жөніндегі) азаматтық персонал – Н.М.Мукажанова қонақ ретінде шақырылды. «Жас мерген – 2022»  аймақтық сайысына 10-11 сынып оқушылары  қатысып, өз бақтарын сынады. Әр командадан  2 ұл, 2 қыз  қатысты. Жарысты ұйымдастырушыға атсалысқан алғашқы әскери және  технологиялық  дайындық  пәнінің  оқытушы-ұйымдастырушылары М.Мақатаев атындағы №13 орта мектептің  АӘД пәнінің мұғалімі  М.Т.Курдыбаев,  №38 мектеп-гимназиясының  АӘД пәнінің мұғалімі  Е.Д. Андосов; №24 лицейдің АӘД пәнінің мұғалімі  Э.К.Сериков;  №7 орта мектептің  АӘД пәнінің мұғалімі  Ж. Бауыржанұлына алғысымыз шексіз.

Іс-шара екі бөлімнен тұрды:

Кештің ашылу салтанатында №13 М. Мақатаев атындағы  орта мектептің мұражайында концерттік бағдарлама ұйымдастырылды. Кештің ашылуында  қонақтар 10-11 сынып оқушыларына тіркеу куәлігін салтанатты түрде тапсырды. Ауған соғысы ардагерлері жас ұрпақты Отан сүюге, Туған жерін құрметтеп, бағалауға, Отан алдындағы борыштарын адал өтеуге шақырып, Қазақстанның болашағы осы жас ұрпақтарымыздың қолында екенін айтып, патриоттық тәрбиеге баулып, өз тілектерін білдірді. Ауған соғысының ардагерлеріне  округтік әкімшілік тарапынан шағын сыйлықтар берілді.

Ресми  бөлім аяқталған соң, пневматикалық оқ қарудан атудан жарыс өтті. Ойынның ату тәртібі  шынтағымен бағанаға немесе тіреуге  сүйеніп  тұрып ату және тіреусіз тұрып ату секілді екі турдан тұрды. 

Сол іріктеуде №7 орта мектеп және №24 лицей алға шығып, командалық жарыста   І орынды №7 орта мектеп, ІІ орынды №24 лицей, ІІІ орынды  №38 мектеп-гимназиясы мен М. Мақатаев атындағы №13 орта мектеп өзара бөлісті.

Орын алған  командаларға мақтау грамотасы табысталып, округтік әкімшілік тарапынан  кубоктар және 3 – доптан  футбол добы, баскетбол добы, волейбол доптары сыйға берілді.

С. Медеубаев,

Іле ауданының қорғаныс

істері жөніндегі

бөлім  бастығы, подполковник                           

 Н. Мукажанова, Іле ауданының ҚІЖБ-нің ҚК қызметкері