Нұрлан Түймелиев: Әр азамат ел тағдырына бейжай қарамауы керек
Алматы облыстық мәслихатының депутаты Нұрлан Түймелиев республикалық референдум күні өз азаматтық борышын орындап, дауыс берді, деп хабарлайды
Депутат Өтеген батыр ауылында орналасқан №24 лицей ғимаратындағы референдум учаскесіне келіп, елдің болашағы үшін маңызды саяси науқанға қатысып, өз таңдауын жасады.
Нұрлан Лесұлы дауыс беру – әрбір азаматтың мемлекет дамуына қосатын маңызды үлесі екенін атап өтті.
«Әрбір азамат ел тағдырына бейжай қарамай, белсенділік танытуы керек. Халықтың бірлігі мен белсенділігі – тұрақты дамудың басты кепілі», – деді депутат.
Референдум учаскесінде дауыс беру процесі заң талаптарына сәйкес, ашық әрі ұйымдасқан түрде өтті. Тұрғындар да белсенді қатысып, өз таңдауларын жасап, ел болашағына қатысты азаматтық ұстанымдарын білдірді.
